Di 5 ê vê mehê de rêzdar Mihemed Qasim endamê komîta şevbuhêrkên kurdî li şamê hate serdana bajarê Qamişlo , li me bûye mêvan , birek ji nivîskar û rewşenbîrên Qamişlo dit û bi wan re li ser rewşa rewşenbîriya kurdî bi giştî û li ser rewşa çalakiyên komîtê bi taybet rawestiyan û karê wê nirixandin, di roja pêşîn de serdana Mala helbestvanê kurd yê hêja Mele Nûrî yê hesarî kir , bi gurzek gul re li reşa wî pirsî û hêvê ji xwedan kir ku rewşa wî ya tendurustî baş be , her weha hêja mele Nûrî tevlî reşa xwe bi dilekî xortanî pêşwaziya wî û yên pêre kir û dil xweş û şa bû.
di roja din de li gel çend nivîskaran çû serdana gora helbestvanê nemir seydayê helbesta kurdî seydayê Cigerxîn , fatihe li ser giyanê wî yê pîroz xwendin û gurzeke gul danî ser gorna wî.
Hêja ye ku ez bînim ziman komîta şevbuhêrkên kurdî li şamê ev heyşt sal berdewame di karê xwe de , şevbuhêrkan taybet bi zimanê kurdî li dardixin di babetên core cor de ji ziman , rêziman ,dîrok,helbest, wêje. T.D . nîvîskar û rewşenbîr ji hemû herêmên kurda li wan dibin mêvan . Ji bo vî karê wan yê gewre, berz û payebilind . ciwantirîn rêz û silav ji endamê wan re , bi taybet Mamoste Osmanê Ebas bavê comerd û Mamoste M.qasim bavê şiyar û not û pênc gulên renge renge avdayî bi ava kurdayetiyê diyarî wan dikim
Qamişlo 7/6/2010