جديد الموقع

Cejneke razayî Ronî ELÎ

Cejneke razayî

Ronî ELÎ

Nameya min

Di çateriya kavilên wêraniyê de

Tîp diweşandin

Û bê deng dima

Çimkî …

Şopa zenglê dilê te

Wenda dikir

Li wir …

Min û sawiran

Dewsa pêngavên te

Dişopandin

Û dipîvandin

Lê ..

Morikên gerdena te

Ku di devê rê de

Rengê têkçûnê lixwe kiribûn

Weke darbesta awatan

Rê digirtin

Min û çateriya xewnan

Çîçekên cejnê

Bi tîpên jihevketî re

Parvedikirin

Lê …

Di bêdengiya Zengilê Biharê de

Şlûrên hawîrdorê

Bask diçrandin

Û bi karwanê nemirên vejînê re

Pişta Miştenûrê

Bi tîna gelawêjê

Diqelişandin

De bêje yarê

Ka gerdenê sozan

Da Gulekê

Ji xemla hêrsa viyanê

Lê daçikînim

Û ji hestên ku li pişta dil disojin re

Bêjim ………………… Pîroz be

9\3\2015